Girmek
Toko atly ýaponiýaly uzak wagtlap it bolmak üçin yhlas etdi, munuň üçin kolli tohumdan bolan itiň penjegini 14 müň dollara tikdirdi. Kolli itiň hakyky keşbine meňzeş egin-eşigi «Zeppet» kompaniýasy 40 günde taýýarlady. Emma indi Toko it däl-de, çal aýy ýa-da panda bolmak küýüne düşdi diýip, «vfokuse.mail.ru» ýazýar.
«Men çagalygymdan haýwan bolmagy arzuw ederdim. Özümi bilelim bäri it bolasym gelýärdi» diýip, erkek kişi gürrüň berýär.
Emma iki ýyldan soňra Toko arzuwyna ýetmegiň kyn düşjekdigine akyl ýetirdi, sebäbi özüň adam bolup-da itler ýaly ýöremek gaty kyn ekeni. Şonuň üçin Tokonyň indi başga haýwan bolasy gelýär diýip, «Daily Mail» neşiri gürrüň berýär.
Toko ýanwarda özüniň it eşiginde hereket edişiniň wideosyny «Adam ite öwrüldi! Öz çakganlygymy hakyky it geýminde barlaýaryn» diýen at bilen internetde hem goýdy, onuň bu gülkünç hereketleri «Youtibede» 61 müň abunaçy toplady. Ol wideoda itler ýaly päsgelçiliklerden bökmäge synanyşýar, emma bu oňa şeýlebir kyn düşýär welin, hatda gözleri-de geň galmadan ýaňa hanasyndan çykaýjak bolýar.
Lapykeç bolan Toko indi goňur aýy ýa-da panda bolmagyň özüne ýeňil düşjekdigine umyt edýär.
Ol häzir ir eşiginde däl-de, adaty adamlar ýaly gezýär hem-de özüniň tanalmagyndan gorkýar. Sebäbi eger meni tanaýsalar, dälidir öýderler diýip, ol gürrüň berýär.