Girmek
Germaniýanyň öňki kansleri Angela Merkel täze ýatlamalar kitabyny ýazdy, ol kitap dükanlarynda 26-njy noýabrda peýda bolar diýip, «Bild» neşirine salgylanýan «Iz.ru» habar berdi.
Merkel kitabyna «Azatlyk» diýip at berdi. Kitabyň daşynda syýasatçy zenanyň alyslara garap duran keşbi ýerleşdiriler. Kitap 30 ýurtda çykar we «biziň döwrümiziň iň täsirli syýasatçylarynyň pikirlerine hem-de hereketlerine çuňňur düşünmäge ýardam eder» diýlip, «Bild» neşiri ýazýar.
700 sahypalyk ýatlamalarynda Merkel 1954-2021-nji ýyllaryň aralygyndaky wakalary beýan edýär.
Kitap Kýoln şäheriniň «Kiepenheuer and Witsch» neşirýatynda çykar. Merkele onuň kanselýariýasynyň öňki başlygy Beata Bauman awtordaşlyk edýär.