Girmek
Çempionlar ligasynyň ýarym finalynyň ilkinji duşuşygynda «Bawariýa» bilen «Real» biri-birini ýeňip bilmedi. Mýunhen şäherinde geçirilen duşuşyk 2;2 hasabyndaky deňlik bilen tamamlandy.
Duşuşykda ýer eýeleriniň gollaryny Leroý Sane (53-nji minut) bilen Garri Keýn (57) geçirdi. «Realda» bolsa Winisius iki gezek tapawutlandy (24, 83).
Jogap duşuşygy 8-nji maý güni Madrid şäherinde geçiriler. Ýaryşyň beýleki ýarymfinalçylary PSŽ bilen «Dortmunddyr».
Çempionlar ligasynyň final duşuşygy 1-nji iýun güni Londonyň «Uembli» stadionynda geçiriler. Ýaryşyň häzirki çempiony Angliýanyň «Mançester Siti» toparydyr.