Girmek
Türkmenistanyň Jemgyýetçilik guramalarynyň merkezinde şu gün – 7-nji martda, döwlet Baştutany Serdar Berdimuhamedowyň tabşyrygy boýunça, Halkara zenanlar gününe bagyşlanyp, sekiz we şondan köp çagany dünýä indiren hem-de terbiýeläp ýetişdirýän eneleri sarpalamak, Türkmenistanyň Prezidentiniň Permanyna laýyklykda olara «Ene mähri» diýen hormatly adyň nyşanlaryny gowşurmak dabarasy geçirildi. Bu barada "Watan" habarlar gepleşiginde habar berildi.
Şu ýyl Türkmenistanyň Prezidentiniň gol çeken degişli Permanyna laýyklykda, ýurt boýunça sekiz we şondan köp çagany dünýä indiren hem-de terbiýeläp ýetişdirýän eneleriň 266-sy "Ene mähri" diýen hormatly ada mynasyp boldy. Olaryň sanawy bilen merkezi metbugat neşirlerinden dolulygyna tanşyp bilersiňiz.