Özüniň agyr keseline garamazdan, oýun jemgyýetinde söýgi hem goldaw tapan norwegiýaly kompýuter oýunçysy Mats Stin hakda «Netflix» kompaniýasy dokumental filmi surata düşürdi diýip, Daily.afisha.ru Deadline saýtyna salgylanyp habar berýär.
«Ibelin» atly filminde çagalykdan Dýuşenn miodistrofiýasyndan ejir çekýän Mats Stiniň ömri we ölümi barada gürrüň berilýär. Bu kesel ösmek bilen, hereket ulgamynyň kem-kemden ýitmegine sebäp bolýar. Mats maýyplar oturgyjyna oturmaly bolýar, ýöne kompýuter oýunlaryny oýnamak bilen teselli tapýar. «Warcraft» oýun dünýäsiniň meşhur oýunçysy bolup, bütin dünýäde köp sanly dostlary gazanýar.
Matsyň jaýlanyşyna Ýewropanyň dürli ýurtlaryndan adamlar geldi. Matsyň ene-atasy näçe adamyň ogly bilen hoşlaşmaga gelendigini görmekden ýaňa geň galypdyrlar.Olar Matsyň pikir edişi ýaly özleriniň ýeke däldigine düşünipdiler.
«Bu film oýun jemgyýetine hormatyň nyşany. Şolam biziň gazanmak isleýän esasy zadymyz. Bütin dünýädäki kompýuter oýunçylary hem özlerini şeýle duýarlar diýip umyt edýäris» — diýip, filmiň režissýory Benjamin Ri belleýär.
Filmiň «Netflix» pplatormasynda haçan köpçülige ýetiriljek senesi häzirlikçe mälim däl.
