Degişli resminama esasynda, Adatdan daşary we Doly ygtyýarly ilçi diýen diplomatik dereje berlen Wepa Segsengeldiýewiç Hajiýew Türkmenistanyň Şweýsariýa Konfederasiýasyndaky (Ženewa şäheri) Adatdan daşary we Doly ygtyýarly ilçisi wezipesine bellenilip, ol Türkmenistanyň daşary işler ministriniň orunbasary wezipesinden boşadyldy.
Wepa Segsengeldiýewiç Hajiýew şeýle-de Birleşen Milletler Guramasynyň Ženewadaky edarasynyň ýanyndaky (Şweýsariýa Konfederasiýasy, Ženewa şäheri) Türkmenistanyň hemişelik wekili wezipesine bellenildi.
Türkmenistanyň Şweýsariýa Konfederasiýasyndaky ozalky Adatdan daşary we Doly ygtyýarly ilçisi Atageldi Baýjanowiç Haljanow, başga işe geçmegi sebäpli, şol wezipesinden, şeýle-de Birleşen Milletler Guramasynyň Ženewadaky edarasynyň ýanyndaky (Şweýsariýa Konfederasiýasy, Ženewa şäheri) Türkmenistanyň hemişelik wekili, şol bir wagtda, Türkmenistanyň Watikandaky (ýerleşýän ýeri Ženewa şäheri) Adatdan daşary we Doly ygtyýarly ilçisi, Türkmenistanyň Birleşen Milletler Guramasynyň Naýrobidäki (Keniýa Respublikasy) edarasynyň, BMG-niň Daşky gurşaw boýunça maksatnamasynyň, BMG-niň Ilatly nokatlar boýunça maksatnamasynyň ýanyndaky (oturýan ýeri Ženewa şäheri) hemişelik wekili wezipelerinden boşadyldy.
«Watan» habarlar gepleşiginde habar berlişi ýaly, Türkmenistanyň Prezidenti Serdar Berdimuhamedow degişli resminamalara şu gün geçirilen giňişleýin Hökümet mejlisiniň barşynda gol çekdi.
