Braziliýada 127 ýaşly, dünýäde iň garry adam aradan çykdy diýip, «Daily Mail» neşirine salgylanýan «Gazeta.ru» ýazýar.
Ýerli RÝNÝ-niň (Raýat ýagdaýynyň namalarynyň ýazgylary) ýazgylaryna görä, Hose Paulino Gomes 1895-nji ýylyň 4-nji awgustynda dünýä inipdir. Ol şu ýylyň 28-nji iýunynda, 128 ýaşyna birnäçe gün galanda, ýurduny täzeläpdir.
Bütin ömründe erkek kişi maldarçylyk bilen meşgullanypdyr, diňe dört ýyl mundan öň at münmegini bes edipdir. Onuň yzynda ýedi çagasy, 25 agtygy, 42 çowlugy we 11 ýuwlugy galypdyr.
Agtygy Elian Ferreýra atasynyň sagdyn iýmitlenmegi halandygyny, ýönekeý ýaşandygyny gürrüň berýär.
Emma Hose Paulinonyň «Ginnesiň rekordlar kitabyna» giriziljekdigi heniz nämälim. Sebäbi kitaby düzüjiler iň garry adam ispaniýaly 115 ýaşly Mariýa Branýas Morera diýip nygtaýarlar.
