Ýewropanyň deňizde syýahatçylyk boýunça gämileri howany awtoulaglardan hem köp hapalaýarlar. Bu barada «Transport and Environment» guramasynyň barlaglaryna salgylanýan «Habar 24» ýazýar.
Geçirilen barlaglar geçen ýyl şeýle gämileriň 218-siniň atmosfera kükürtli gazyň 500 tonnasyndan hem gowragyny taşlandygyny görkezdi. Bu yklymyň bütin awtoulaglarynyňkydan 4,5 esse artykdyr.
Şeýle-de yklymyň iň hapa deňiz portlarynyň sanawyny Barselona şäheriniň deňiz porty çekdi. Sanawda Lissabon we Gamburg şäherleri bar. Syýahatçylyk işini alyp barýan kompaniýalaryň ekologiýa babatda wada bermegine garamazdan, ýagdaý gitdigiçe ýaramazlaşýar. Şonuň üçin hünärmenler gämilere portlarda hereketlendirijilerini işletmegi gadagan etmegi maslahat berýärler.
