Girmek
Eýranyň Söwda, senagat, magdan we oba hojalyk (ICCIMA) edarasynyň başlygy Golam-Huseýin Şafeý Özbegistana Eýran bilen söwda gatnaşyklaryny giňeltmek üçin Türkmenistanyň çäginden geçýän üstaşyr ulag meselesini çözmegi teklip etdi.
Şunuň bilen baglylykda, ICCIMA-nyň başlygy özleriniň şu ýyl üçin esasy maksatlarynyň Eýran bilen Özbegistanyň arasyndaky häzirki söwda dolanyşygyny 400 million dollardan 1 milliard dollara çenli ýokarlandyrmakdygyny aýtdy.
Mundan başga-da, ol «bu babatda käbir meseleler bar, olaryň iň möhümi ulag pudagynda, hususan-da, demir ýol pudagynda hyzmatdaşlygyny ösdürmek. Bu iki ýurduň arasyndaky söwdanyň giňelmeginde örän uly ähmiýete eýedir. Şeýlelikde, Türkmenistany goşmak bilen üçünji ýurtlaryň hyzmatdaşlygy arkaly meseläni çözmek gerek» diýdi. Şeýle hem iki tarapyň ykdysady düzümlerini halkara Demirgazyk — Günorta ulag geçelgesiniň taslamalaryna maýa goýmaga çagyrdy.
ICCIMA-nyň başlygy bu barada şenbe güni Eýran-özbek işewür forumynda mälim etdi.
Bu çärä 50 özbek kompaniýalarynyň wekilleri hem gatnaşdy.