«Halkbank» PTB mobil banking ulanyjylary boýunça Türkmenistanda öňdeligi eýeledi

10:1824.05.2023
0
25109

2023-nji ýylyň maý aýynyň başyndaky ýagdaýa görä, «Mobil banking» hyzmatyna hasaba alnanlaryň sany boýunça «Halkbank» paýdarlar täjirçilik banky Türkmenistanda öňdebaryjy orny eýeledi diýip, Türkmenistanyň Merkezi banky habar berýär.

Habar berlişine laýyklykda, «Halkbank» PTB-niň mobil banking hyzmatyna 16 508 ulanyjy hasaba durupdyr. Bu ugurdaky sanawda ikinji orunda «Türkmenistan» döwlet täjirçilik banky (14 402 ulanyjy), şeýle-de üçünji orunda bolsa «Daýhanbank» döwlet täjirçilik banky (12 921 ulanyjy) durýar.

Merkezi bankyň berýän hasabatyna görä, «Halkbank» PTB, esasan, ýurduň sebitlerindäki müşderiler bilen işleşýär.

Şeýlelikde, bu ulanyjylaryň sanynyň aglaba bölegi Mary (8 182 ulanyjy) hem-de Lebap (6 230 ulanyjy) welaýatlaryna degişli.

2023-nji ýylyň 1-nji maýy ýagdaýyna görä, «Mobil banking» hyzmatyna hasaba alnanlaryň sany boýunça Türkmenistanyň banklarynyň sanawy:

  • «Halkbank» PTB – 16 508;
  • «Türkmenistan» DTB – 14 402
  • «Daýhanbank» DTB – 12 921;
  • «Türkmenbaşy» PTB – 9 493;
  • «Senagat» PTB – 9 296;
  • «Türkmen-türk» PTB – 1 327;
  • «Rysgal» PTB – 254.
Teswirler
Teswir ýazmak üçin içeri giriň ýa-da registrasiýa boluň