«Metacritic» internet neşiriniň pikiri boýunça «Nintendo Switch» oýun enjamlary üçin çykarylan «The Legend of Zelda: Tears of the Kingdom» wideooýny 2023-nji ýylyň iň ýokary baha berlen oýny diýlip yglan edildi.
Ady tutulan saýtda oýnuň mümkin bolan 100 baldan 96-syny alandygy habar berilýär, bu öz nobatynda 2023-nji ýylyň oýunlarynyň arasynda iň ýokary görkezijidir.
Ikinji orunda 94 bal gazanan «Metroid Prime» oýny ýerleşdi. «Wedmak 3: Ýabany aw» oýnunyň nekstgen-nusgasy hem şeýle netijäni gazandy.
Ilkinji üçlügi «Tetris Effect: Connected» we «Resident Evil 4» rimeýki eýelediler, olaryň her biri 93 bal gazandy.
«The Legend of Zelda: Tears of the Kingdom» oýny 2017-nji ýylda çykarylan «The Legend of Zelda: Breathe of the Wild» oýnunyň dowamydyr. Täze oýunda toslanyp tapylan Haýrul şalygy we batyr rysar Link bilen şa gyzy Zeldanyň gahrymançylyklary barada gürrüň berilýär.
«The Legend of Zelda: Tears of the Kingdom» 2023-nji ýylyň 12-nji maýynda çykdy, ol resmi taýdan diňe «Nintendo Switch» oýun pristawkalarynda elýeterlidir.
Bu barada «Gazeta.ru» ýazýar.
