Türkmenistan 2023-nji ýylyň ýanwar-fewral aýlarynda Germaniýadan umumy bahasy 2,43 million ýewro deň bolan mineral çig maly import etdi. Bu mukdar, geçen ýylyň degişli döwri bilen deňeşdirileninde, 3,2 esse köpdür diýip, Ýewropa Bileleşiginiň Statistika müdirligi habar berýär.
Bellenilişi ýaly, mineral çig malyň importynyň artandygyna garamazdan, Türkmenistanyň Germaniýadan amala aşyrýan umumy importynyň 32,5 göterim azalypdyr. Has takygy, 2023-nji ýylyň deslapky iki aýynda Türkmenistan Germaniýadan 23,68 million ýewrolyk import etdi. Geçen ýylyň ýanwar-fewral aýlarynda bu görkeziji 35,09 million ýewro deň bolupdyr.
Hasabat döwründe Türkmenistan bilen Germaniýanyň arasyndaky umumy söwda dolanyşygy, geçen ýylyň degişli döwründäkiden 31,9 göterim kemelip, 23,97 million ýewro barabar boldy.
