Kinorežissýor Stiwen Spilberg «Variety» neşiri bilen söhbetdeşliginde goja aktýor Harrison Forduň baş keşbi döreden Indiana Jons baradaky täze filminiň «hakykatdanam gowudugyny» belledi.
«Bu Indiana Jons barada hakyky gowy filmdir. Ol hemmeleriň göwnünden turdy» diýip, ussat kinorežissýor gürrüň berdi.
Meşhur hazyna gözleýji baradaky «Indiana Jons we pelegiň gerdişi» atly täze film şu ýylyň 30-njy iýunynda prokata çykar.
Ýeri gelende aýtsak, Stiwen Spilberg «Indiana Jonsuň» öňki dört bölümine režissýorlyk edipdi, bäşinji bölümi bu gezek Jeýms Mengold surata düşürdi.
Mengold filmde baş keşpde çykyş eden 79 ýaşly Harrison Fordy 40 ýaşlaryndaky keşbinde görkezmek üçin kompýuter tehnologiýalaryndan peýdalanylandygyny gürrüň berdi diýip, «Gazeta.ru» ýazýar.
