Girmek
«Soçiniň» futbolçylary türkmenistanly tälimçi Gurban Berdiýew bilen hoşlaşanlaryndan soň geçiren ilkinji duşuşygynda «Krasnodardan» ýeňildiler.
Soçi şäherindäki «Fişt» stadionynda geçirilen duşuşyk «Krasnodaryň» 2:0 hasabyndaky ýeňşi bilen tamamlandy.
Ýeňiji toparyň gollaryny 40-nji minutda Žoau Batçi, 48-nji minutda bolsa Nikita Kriwsow geçirdi.
«Soçiniň» 10-njy aprel güni baş tälimçi Gurban Berdiýew bilen şertnamany ýatyryp, möwsümiň ahyryna çenli duşuşyklara Dmitriý Hohlowyň ýolbaşçylygynda çykjakdygyny habar beripdik.
«Soçini» myhmançylykda ýeňen «Krasnodar» utugyny 38-e çykardy, «Soçi» bolsa 31 utuk bilen dokuzynjy basgançakda galdy.