Meksikanyň Prezidenti Andres Manuel Lopes Obrador özüniň sosial ulgamdaky sahypasynda mifiki jandaryň suratyny ýerleşdirdi. Syýasatçynyň sözlerine görä, ol maýýalaryň mifiki tokaý elfidir (german-skandinaw mifologiýasynda ýagşyzada).
Prezident surata düşündirişinde onuň Ýukatan ýarymadasyndaky jeňňellerde alnandygyny gürrüň berdi. Suratdaky jandara bolsa aluş diýilýär.
Aluş – bu maýýa medeniýetinde mifiki tokaý ruhudyr, ol elflere meňzeşdir. Aluşlar gowaklarda ýa-da karst çukurlarda ýaşaýarlar, olar keramatly suwlary goraýjylar hasaplanýar.
Bu barada «MIR 24» ýazýar.
