Türkmenistanyň Kazandaky Baş konsuly Güýç Garaýew bilen ýurduň premýer-ministriniň orunbasary, oba hojalygy we azyk ministri Marat Zýabbarowyň arasynda geçirilen gepleşiklerde oba hojalygyndaky hyzmatdaşlyk ara alnyp maslahatlaşyldy.
Duşuşygyň dowamynda azyk, agrosenagat, ekin önümçiligi, maldarçylyk we beýleki ugurlar boýunça hyzmatdaşlygyň geljegi Türkmenistanyň Kazandaky diplomatik edarasynyň metbugat gullugynyň habaryna görä, M.Zýabbarow Türkmenistana däne, günebakar ýagy, şeker, çaga iýmiti, süýt önümleri, şol sanda poroşok süýt, peýnir we beýlekiler bilen üpjün etmäge taýýardygyny mälim etdi.
Öz gezeginde G.Garaýew söhbetdeşine Türkmenistanyň oba hojalygyndaky eksport mümkinçilikleri barada habar berdi we bu ugurda hyzmatdaşlygy has giňeltmegiň maksadalaýykdygyny aýtdy.
Türkmen diplomaty mart aýynda meýilleşdirilýän söwda, ykdysady, ylmy, tehniki we medeni hyzmatdaşlyk boýunça Bilelikdäki türkmen-tatar iş toparynyň mejlisiniň çäginde Türkmenistanyň we Tatarystanyň oba hojalyk önümleriniň sergisini guramak baradaky teklibi aýtdy.
