Girmek
Balkan ýurtlary sebitini sil joşgunlary basdy, uzaga çeken ýagyşlar netijesinde suw kenarlardan agyp, ýollary gabady. Serbiýanyň käbir şäherlerinde adatdan daşary ýagdaý yglan edildi diýip, «Habar 24» ýazýar.
Iki adam dereksiz ýitdi, sil joşgunlaryndan Kosowo we Albaniýa hem ejir çekdi, käbir etraplarda elektrik geçirijileri hatardan çykdy. Oba hojalyk meýdanlary suwuň astyna gitdi. Awtoulag ýollary suwa gark boldy.
Emma şunuň bilen bir hatarda Argentinanyň Santa-Fe ülkesiniň fermerleriniň guraklykdan ejir çekýändigi hem habar berilýär. Guraklyk bu ýerde mallarydyr ekinleri ýok etdi. Müňlerçe sygyr heläk boldy. Iri şahly mallaryň ýene 26 millionyna, ýagny ýurtda bar bolanlarynyň deň ýarysyna guraklyk howp salýar. Guraklyk sebitde eýýäm üç ýyldyr dowam edýär. Munuň sebäbi La-Ninýa diýlip at berlen howa hadysasydyr, şeýle-de az ygallylyk netijesinde tokaý ýangynlary-da döreýär.