Şu we geljek ýylda dünýäniň döwletleriniň köpüsinde hümmetsizlenmäniň ýokary derejesi saklanar diýip, «Bloomberg» neşiri habar berdi.
«Boston Consulting Group» halkara konsalting kompaniýasynyň çaklamalaryna laýyklykda, dünýä kem-kemden täze ykdysady şertlere uýgunlaşyp başlar, şunuň bilen baglylykda nyrhlaryň ösüşi togtar. Emma barybir 2023-2024-nji ýyllarda hümmetsizlenmäniň derejesi ýokarylygyna galar.
«Boston Consulting Group» kompaniýasynyň bilermenleri muňa dünýäde dowam edýän harby gapma-garşylykl aryň sebäp bolýandygyny belleýärler, netijede, oba hojalygynda, energetikada, metallaryňdyr ýarymgeçirijileriň söwdasynda üpjünçilik zynjyry bozuldy. Nyrhlaryň gymmatlamagyna şeýle-de ählumumy söwdadan sebit söwdasyna geçilmegi täsir edýär.
Ady agzalan kompaniýanyň bilermenleri 2031-nji ýyla çenli ählumumy söwdanyň ortaça ösüş depgininiň ýylda 2,3 göterime we dünýä JIÖ-niň depgininiň - 2,5 göterime deň boljakdygyny saýlaýarlar.
