Britan tagtynyň şazadasy Garriniň ýatlamalar kitabynyň satuwa çykan ilkinji güni 1,4 million sanysy satyn alyndy, bu barada «Mirror» neşiri «Penguin Random House» neşirýatyna salgylanyp habar berdi.
«Ätýaçlykdaky» atly täze kitap sişenbede kitap dükanlaryna ýaýradyldy, şol gün onuň Beýik Britaniýada 400 müň çaphana, elektron we audio nusgasy satyldy.
Şol gün ABŞ-da, Kanadada we Britaniýada kitabyň umumy 1,4 milliondan gowrak nusgalygynyň satylandygy habar berilýär. Islegiň ýokarydygy bilen baglylykda, ABŞ-da kitaby goşmaça çap etmek kararyna gelindi.
Kitabyň mazmuny ýatlamalar kitaby bellenen gününden bäş gün Ispaniýanyň dükanlarynda peýda bolandan soň belli boldy, onda şazada öz dogany, şazada Uilýam bilen arasyndaky düşünişmezlikler, Owganystandaky harby gulluk döwri barada ýazýar.
Garriniň kitapdan galam haky 20 million dollara deň boldy, indi neşirýata çykdajylaryny ýapmak üçin ýene 1,7 million nusgalygyny çap etmek gerek diýip, «MIR 24» ýazýar.
