«Turkish Airlines» awiakompaniýasy Türkiýeden Türkmenistana göni Stambul — Aşgabat ugry boýunça we yzyna yzygiderli gatnawlary amala aşyryp başlady.
Uçuşlar togtadylandan bäri (2020-nji ýylyň mart aýynda) «TK322» reýsi ilkinji gezek Stambuldan Aşgabat şäherine geldi.
Awiakompaniýa Stambul howa menzilinden (IST) Aşgabat howa menziline (ASB) hepdede iki gezek çarşenbe we şenbe günleri, yzyna penşenbe we ýekşenbe günleri uçýar. Gatnaw «Airbus A321» uçarynda amala aşyrylýar.
Mundan başga-da, «Turkish Airlines» awiakompaniýasy Stambuldan (IST) Türkmenbaşy (KRW) ugry boýunça uçuş maksatnamasy dowam edýär. Stambul — Türkmenbaşy — Stambul ugur boýunça gatnawlar hepdede iki gezek duşenbe we anna günleri amala aşyrylýar.
«Turkish Airlines» awiakompaniýasynyň uçuşlaryna petekleri Türkiýedäki we Türkmenistandaky (Aşgabat, 1972 (Atatürk) köçesiniň 82-nji jaýy, Berkarar söwda merkezi, 1-nji gat, A7-A8 bloklary) satuw nokatlaryndan satyn alyp bilersiňiz.
