Girmek
«Launchmetrics» marketing platformasynyň maglumatlaryna görä, «Louis Vuitton» söwda öýi meşhur futbol oýunçylary Kriştianu Ronaldu bilen Lionel Messiniň surata düşen mahabatyndan 48 sagadyň içinde 13,5 million dollar girdeji gazandy.
Enni Leýbowiç tarapyndan düşürilen suratda ady tutulan futbol ýyldyzlary «Louis Vuitton» moda öýüniň çemodanynda küşt tagtasyny goýup oýna gyzygypdyrlar. Surat sosial ulgamlarda dessine meşhurlyk gazandy, iki gije-gündizde ol 55 müň gezek çap edildi we umumy 65 million seslenme gazandy.
Şu wagtyň içinde ady tutulan söwda öýüniň 13,5 million dollar gazanandygy aýdylýar.
«Louis Vuitton» moda öýüniň bu mahabat tutumy Portugaliýanyň ýygyndy toparynyň we «Mançester Ýunaýted» toparynyň oýunçysy Kriştianu Ronaldu bilen Argentinanyň «Pari Sen-Žarmen» toparynyň hüjümçisi Lionel Messiniň ilkinji bilelikdäki işi boldy.