Girmek
Türkmenistanda özboluşly taryhy ýadygärlik — orta asyra degişli suw desgasy bolan sardoba abatlanylýar diýip, «MIR 24» habar berýär.
Bu sardoba Aşgabadyň golaýyndaky Änew galasynyň çäginde ýerleşýär. Bir mahallar ýerli ýaşaýjylar bu ýerde suw we buz saklapdyrlar. Desga häzir ýeriň aşagynda — galyň gatlalaryň astynda. Alymlaryň pikiriçe, ol XIV-XVI asyrlarda Timuridler neberesiniň döwründe gurlupdyr.
— Sardobalar maddy medeni ýadygärlikleriň iňňän täsinleriniň hataryna girýär. Olaryň gurluşygy bir tarapdan şäher durmuşynyň ösüşi, beýleki tarapdan kerwen ýollarynyň ulanylyşynyň ösmegi bilen baglanyşyklydy. Taryhy we arheologik gyzyklanmalardan başga-da, bu desgalaryň öwrenilmegi täze desgalaryň gurluşygyndaky meseleleri çözmek üçin amaly ähmiýete eýe bolup biler — diýip, «Nusaý» döwlet taryhy-medeni goraghanasynyň başlygy Gaýgysyzçary Dolyýew gürrüň berýär.
Soňky on ýylda taryhy we medeni mirasyň 46 obýekti Türkmenistanyň Döwlet sanawyna girizildi. Umuman alanyňda bolsa, sanawda binagärlik ýadygärlikleriniň bir ýarym müň töweregi hasaba alyndy.