Girmek
Italiýanyň A seriýasynyň nobatdaky tapgyrynda «Milan» «Torinonyň» myhmany bolup, 2:1 hasabynda garşydaşyndan asgyn geldi. Duşuşykda gollara ýer eýelerinden Jiji (35) we Mirançuk (37), myhmanlardan bolsa Messias (67) awtorlyk etdiler. Şeýlelikde, «Milanyň» içerki çempionatyň myhmançylykdaky oýunlaryndaky 17 oýunlyk ýeňlişsiz ýörişine nokat goýuldy. Stefano Pioliniň şägirtleri düýnki oýuna çenli 2022-nji içerki çempionatyň myhmançylykdaky oýunlarynda ýeňilmedik ýeke-täk topar bolup durdy.
Ýeňlişden soňra, «Milan» 12 oýnunda toplanan 26 utuk bilen turnir tablisasynyň üçünji basgançagyndan ýer aldy. A seriýanyň turnir tablisasynda 12 duşuşykda 32 utuk gazanan «Napoli» topary kerwenbaşylyk edýär.