Girmek
Geçen şenbede Wenesiýa halkara kinofestiwaly tamamlandy we ýeňijiler yglan edildi. Kinofestiwalyň «Altyn ýolbars» baş baýragyna amerikan režissýory Lora Poýtrasyň «Ähli gözellik we gandöküşlik» atly filmi mynasyp boldy diýip, «Trend» ýazýar.
79-njy Wenesiýa halkara kinofestiwalynyň baýraklarynyň gowşurylyş dabarasy Lido adasyndaky kino tomaşa edilýän baş meýdançada boldy.
Iň oňat ssenariý ugry boýunça baýragy Martin Makdon «Banşi Inişerina» filmi üçin aldy, eýranly režissýor Jafar Panahi «Hiç hili aýy» filmi üçin festiwalyň eminler toparynyň ýörite baýragyna mynasyp görüldi.
Awstraliýaly aktrisa Keýt Blanşett «Tar», irland aktýory Kolin Farrell «Banşi Inişerina» atly filmlerdäki keşpleri üçin iň oňat zenan we erkek keşpleri baýraklaryna mynasyp boldular.