Golliwudyň ýyldyzy, «Matrisa» we «Jon Wik» filmlerinde baş gahrymanyň keşbini ýerine ýetiren Kianu Riwz Formula-1 sportunyň çempionatyna bagyşlanan gepleşigiň alypbaryjysy bolar. Häzirki wagtda bolsa ol «Disney+» striming kompaniýasy tarapyndan hödürlenjek täze dokumental serialyň üstünde işleýär.
Film.ru saýtynyň habar berşi ýaly, dört tapgyrdan ybarat bolan şow 2009-njy ýyldaky «Brawn GP» topary hem-de olaryň çempionatdaky taryhy ýeňişleri barada gürrüň berer. Bu taslamanyň ekranlara çykjak senesi barada bolsa häzirlikçe hiç hili maglumat berilmeýär.
