Girmek
Aziýanyň kubogy ― 2022-de çärýek finala çykan Türkmenistanyň futbol boýunça ýaşlar ýygyndysynyň baş tälimçisi Ahmet Agamyradow duşuşykdan soň žurnalistleriň sowallaryna jogap berdi:
― Gutlaglar üçin köp sag boluň! Hakykatdan-da, ýetilen üstünlige juda begenýäris. Kyn oýun boldy. Her bir watandaşymyzy gazanylan ýeňiş bilen gutlaýaryn. Biziň bu ýerlere gelmegimiz garaşylmadyk ýagdaýmy? Ýok, biz watandaşlarymyza başga sowgat etjekdik ― toparçany birinji orunda tamamlajakdyk. Ýöne häzirki netijämiz üçin hem Hudaýa şükür edýäris.
― Toparçadaky garşydaşlaryňyzyň güýji türkmen futbolçylarynyňkydan ýokary hasaplanylýardy. Yzda galan üç oýun barada näme aýdyp bilersiňiz?
― Iň güýçli garşydaşymyz Özbegistanyň ýygyndysy boldy. Beýleki garşydaşlarymyzyň bolsa biziň güýjümize ýeterlik baha bermändigi üçin özleri günäkär (gülýär).
― Toparda belli bir oýun uslybynyň bardygyny gördük.
― Bular diňe bir futbolçy däl, hakyky erkeklerdir. Biz ahyryna çenli göreşi gowşatmadyk. Awstraliýa bilen hem şeýle bolar. Ýene sowal barmy? Belki, finalda Özbegistan bilen oýnarys.