Amerikaly öý hojalykçy zenan Liza Kaýt itiniň çekýän nakgaşlyk eserlerini satyp güzeranyny dolandyrýar, bu barada Metro neşiri habar berdi diýip, MIR24 ýazýar.
Ol Aýwi atly awstraliýa owçarkasyna surat çekmegi 2015-nji ýylda, ol iki ýaşyndaka öwredipdir. Liza itiniň nakgaşlyk sungatyna höweslidigini görüpdir, şonuň üçin onuň zehinini dogry ýola gönükdirmäge başlapdyr. “Maňa oňa surat çekmegi öwretmek üçin kän wagt gerek boldy. Aýwi ilki akwarelden başlap, häzir akril ulanýar” diýip, Kaýt gürrüň berýär.
Owçarka ýedi ýylda ýüzlerçe surat çekipdir, ilkibaşda eýesi onuň suratlaryny tanyşlaryna sowgat beripdir, soňra satmak kararyna gelipdir. Aýwiniň eserleri köplere ýarapdyr.
Eýesi itiniň eserlerini satyp, 19 müň dollar gazanandygyny gürrüň berýär. Girdejileriň bir bölegini Kaýt haýyr-sahawata harçlaýar.
