Girmek
Daşoguz welaýatynyň Taryhy we ülkäni öwreniş muzeýinde «Gözelligiň waspy» atlt wagtlaýyn sergi açyldy. Ol Halkara zenanlar gününe bagyşlanýar ― diýip, «Türkmenistan: Altyn asyr» elektron gazeti habar berýär.
Sergi çeperçilik sungatynyň eserlerinden, heýkellerden, bezeg işlerinden we amaly-haşam sungatynyň eserlerinden ybarat. Serginiň aýratyn bölüminde okuwçylaryň we welaýat sungat mekdepleriniň mugallymlarynyň eserleri görkezildi.
Sebitiň meşhur suratkeşleriniň we heýkeltaraşlarynyň döreden eserlerinde bahar gözellikleri we gelin-gyzlar wasp edilýär.
Nurjahan Şyhyýewäniň «Pasyllar» atly grafiki eseri, Nargiz Şamyradowanyň akwarel reňkler bilen kendirikde ýerine ýetiren işleri, Döwlet çeperçilik akademiýasynyň uçurymy Orazguly Kakaýewiň ýasan şaý-sepleri we beýlki işler sergä gelenlerde aýratyn täsir galdyrdy.
Baýramçylyk sergisi Suratkeşler birleşiginiň welaýat bölümi, sebitiň Medeniýet müdirligi we muzeý işgärleri tarapyndan guraldy.