Girmek
14-nji iýunynda Bütindünýä Saglygy goraýyş guramasynyň “Hemmeler üçin howpsyz gan” atly şygary bilen ýurdumyzda Bütindünýä donorlar güni ýokary derejede bellenip geçilýär. Şeýle bolansoň, Aşgabat şäheriniň, welaýat saglygy saklaýyş edaralarynda bu sene giňden bellenilýär.
Türkmenistanyň “Raýatlaryň saglygyny goramak hakynda” kanunyna laýyklykda, 18 ýaşdan 60 ýaşa çenli bolan sagdyn adamlar öz islegi boýunça meýletin gan berip donor bolup bilýárler. Gan banklarynda yüzden gowrak donor hasapda durýar. Olaryň haýsysynyň gany zerur bolsa şol adam hem gelip gan tabşyrýar.Ýurdumyzdaky saglygy goraýyş edaralaryny gan we gan önümleri bilen üpjün etmek maksady bilen gan tabşyryjy donorlary höweslendirmek işleri kadaly ýola goýuldy. Gan tabşyran adamyň şol gün işden boşadylmagy ýa-da goşmaça dynç gününiň berilmegi ýokarda aýdanlarymyza doly şaýatlyk edýär. Goşmaça berilýän dynç güni işgäriň her ýylky zähmet rugsadyna goşulýar ýa-da öz islegine görä dynç alyp bilýär.
