Girmek
Ankarada «Türkmenatlary» döwlet birleşiginiň baş direktory A.Berdiýew bilen Türkiýe Respublikasynyň oba hojalyk we tokaý ministriniň orunbasary Ahmed Gümeniň arasynda duşuşyk geçirildi.
Duşuşygyň esasy maksady atçylyk pudagynyň dürli ugurlarynda hyzmatdaşlygy, atçylyk sportuny ösdürmek we bu ugurda syýahatçylyk mümkinçiliklerini giňeltmek, şeýle hem bu babatda Türkmenistan bilen Türkiýäniň arasynda tejribe alyşmakdan ybarat boldy.
Iki ýurduň bilim edaralarynda maldarçylyk, atçylyk we weterinariýa ugurlarynda okuw usullarynda tejribe alyşmagyň mümkinçilikleri hem göz öňünde tutuldy.
Türkmenistanyň wekiliýeti Türkiýe Respublikasynyň oba hojalyk we tokaý ministrligine türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň «Atda wepa-da bar, sapa-da» atly kitabyny sowgat berdi. Bu barada Türkmenistanyň Ankaradaky ilçihanasynyň Metbugat gullugy habar berdi.