Girmek
Köýtendagly türgen Sanjar Abdyrahmanow Aşgabat şäherinde geçirilýän dünýä çempionatynyň ýarymfinal tutluşygynda eýranly Masud Gawibazuny kynlyk bilen ýeňip, adyny finala ýazdyrmagy başardy.
Garşydaşa jerime berlen tutluşykda Sanjar iki sany çala utuk bilen ýeňiş gazandy.
Sanjaryň 90 kilograma çenli agram derejesinde ýaryşýandygyny ýatladýarys. Indi ol finalda altyn medal ugrunda ýaryşar.
Mundan ozal Aýşirin Haýdarowa bilen Aýnur Amanowa finala çykdy. Gülşat Annaýewa bolsa dünýä çempionatyndaky ýaryşyny bürünç medal bilen tamamlady.