Girmek
Russiýanyň paýtagtynyň ýaşaýjylarynyň ortaça ömür dowamlylygy 80 ýyla golaýlaýar. Bu barada Moskwanyň meri Sergeý Sobýanin ýurduň Prezidenti Wladimir Putin bilen duşuşykda gürrüň berdi diýlip, Kremliň saýtynda habar berilýär.
«Biz ömrüň garaşylýan dowamlylygyna – 80 ýyla golaýladyk. Geçen ýyl bu 79,5 ýyl boldy. Biz oňat ýewropa netijesini, umuman alnanda, dünýä boýunça gowy netije gazandyk» diýip, Sobýanin nygtady. Onuň sözlerine görä, bu ykdysadyýetiň, saglygy goraýşyň ösüşiniň, şeýle-de ilatyň arasynda sagdyn durmuş ýörelgesine eýerýänleriň artmagynyň hasabyna mümkin boldy diýip, «Gazeta.ru» ýazýar.