HHR-iň Tibet awtonom etrabynyň Nepal we Hindistan bilen serhedinde güýji 6,5 bala deň bolan ýerasty sarsgyn hasaba alyndy diýip, «INTERFAX.RU» habar berdi.
Ýerasty sarsgynyň merkezindäki güýji «ýumrujy» diýlip häsiýetlendirildi.
ABŞ-nyň Meteorologik gullugy onuň güýjüni 7,1 bal diýip bahalandyrdy. Netijede, etrabyň Tingri uezdinde 95 adam pida boldy, 130 adam şikes aldy. Köp binalar ýykyldy diýip, Hytaýyň Merkezi telewideniýesi habar berdi.
Hytaýyň Başlygy Si Szinpin Tibetdäki ýertitremede ejir çekenleri goldamak barada görkezme berdi. Tibet awtonom etrabyna 100 million ýuan (14 mln dollar) maliýe kömegi döwlet gaznasyndan bölünip berildi diýip, Hytaýyň Maliýe ministrligine salgylanýan TASS habar berdi.
