Girmek
«Cushman & Wakefield» konsalting kompaniýasy, Milan şäherindäki «Wia Montenapoleone» köçesiniň dünýäniň iň gymmat söwda köçeleriniň sanawynda öňdeligi eýeländigini habar berdi.
Kompaniýanyň habarynda: «2023-nji ýyldan bäri dünýäniň iň belli köçeleriniň sanawy üýtgedi. Milandaky «Wia Montenapoleone» indi Nýu-Ýorkdaky «Bäşinji awenýudan» ozup geçdi hem-de dünýäde bölek söwda üçin iň gymmat ýer boldy» diýilýär.
Ýagny bu köçedäki her bir inedördül metriň kärendesi ortaça 20 müň ýewro ýetýär, «Bäşinji awenýuda» bolsa bu görkeziji 19,5 müň ýewro deňdir.
«Wia Montenapoleone» köçesiniň gymmat köçeleriň sanawynda öňe çykmagynyň sebäpleri hökmünde soňky birnäçe ýylda kärende nyrhlarynyň görnetin ýokarlanmagy we ýewronyň amerikan dollaryna degişlilikde hümmediň artmagy görkezilýär.