Girmek
Halkara Demirgazyk-Günorta ulag geçelgesindäki ornuny berkitmek bilen, «Türkmenistanyň Ulag we Logistika Merkezi» (TULM) açyk paýdarlar jemgyýeti 2024-nji ýylyň 9-njy oktýabrynda Dubaý-Moskwa ugry boýunça ekspress konteýner otlusyny ibermekligi amala aşyrdy we konteýnerleri üçünji ýurduň otlularyndan GDA-nyň otlularyna gaýtadan ýüklemek işi Etrek ýükleýiş we düşüriş stansiýasynda üstünlikli geçirildi.
Şondan soň konteýnerli otly düzümi Russiýa Federasiýasyna tarap ýoluny dowam etdirdi.
TULM Demirgazyk-Günorta ulag geçelgesiniň çäklerinde konteýner daşamagy işjeň ösdürýär we bu ugurda ýükleri daşamagyň möçberini yzygiderli artdyrýar. Kompaniýa bu ugurda her hepde ekspress konteýner otlularyny ibermegi dowam etdirmegi meýilleşdirýär.
Dubaý-Moskwa ugry boýunça Türkmenistanyň çäginden yzygiderli konteýner gatnawy ýurduň strategik taýdan geografiki ýerleşişini we Aziýa bilen Ýewropany birleşdirýän ulag merkezi hökmünde öz mümkinçiliklerini görkezýär.