Girmek
Wladimir Baýramowyň türgenleşdirýän «Arkadag» futbol kluby bassry ikinji ýyl wagtyndan öň Türkmenistanyň çempiony boldy.
Şu gün Arkadag şäheriniň adybir topary Balkanabadyň «Nebitçisini» 5:1 hasabynda ýeňlişe sezewar etdi. Şeýlelikde, «Arkadag» kluby «Ahal» bilen aratapawudy 23 utuga ýetirip, wagtyndan öň çempionlygyny kepillendirdi.
2023-nji ýylda esaslandyrylan «Arkadag» futbol kluby özüniň ilkinji möwsüminde Türkmenstanyň çempiony bolmagy hem-de ýurduň Kubogyny eýelemegi başarypdy. Şonuň üçin hem, bu topar Aziýa yklymynyň klublarynyň arasydaky üçünji derejeli ýaryşa — AFK-nyň Çagyryş ligasyna gatnaşmaga hukuk gazandy.
Türkmenistanyň çempiony «Arkadag» futbol topary AFK-nyň Çagyryş ligasynyň «B» toparçasynda Kuweýtiň «Al-Arabi», Maldiw adalarynyň «Maziýa» we Gyrgyzystanyň «Abdyş-Ata» toparlary bilen güýç synanyşar. «Arkadag» bu ýaryşdaky debýut oýnuny 26-njy oktýabrda Maldiw adalarynyň «Maziýa» toparyna garşy geçirer.
Ýaryşyň geçiş tertibine laýyklykda, «Arkadag» kluby toparçalaýyn tapgyrda üç duşuşyk geçirer: 26-njy oktýabrda «Maziýa» FK, 29-njy oktýabrda «Abdyş-Ata» we 1-nji noýabrda «Al-Arabi» bilen. Ähli oýunlar Kuweýtde bolup geçer.