«Daşoguznebitgazgurluşyk» trestiniň gurluşyk bölüminiň hünärmenleri Daşoguz welaýatynda birnäçe ýaşaýyş jaýlarynyň gurluşyklaryny alyp barýarlar.
Golaýda bu kärhana Daşoguz şäherindäki iki gatly binanyň gurluşygyny tamamlar. Bu barada «Türkmenistan: Altyn asyr» saýtynda habar berildi.
Kärhananyň şu döwre çenli birnäçe işleri ýerine ýetirmegi, edilýän işleriň hiliniň ýokary bolmagy aýratyn bellenilmäge mynasypdyr.
Şol bir wagtyň özünde, şu günler trestiň hünärmenleri Görogly etrabynda esasy gaz geçirijisiniň bir böleginiň üstünde işleýärler we bu bölümiň degişli tehniki ýagdaýyny durnukly saklamak üçin meýilleşdirilen işleri dowam etdirýärler.
Ýeterlik ýöriteleşdirilen enjamlaryň bolmagy we ökde hünärli işgärleriň tagallasy bilen sebitdäki islendik turbageçirijileriň kadaly ýagdaýy saklanylýar.
