Amerikaly işewür Ilon Mask çaga dogumy bilen bagly meseleler gyssagly çözülmese, dünýäde köp ýurtlar ýitip ýok bolar diýip hasaplaýar. Ol bu barada sosial ulgamdaky sahypasynda ýazdy diýip, «RIA Nowosti» habar berýär.
«Men Ýaponiýanyň bu meselä aýratyn üns berýändigine şat. Eger çynlakaý çäreler görülmese, Ýaponiýa we başga-da köp ýurtlar ýok bolar» diýip, Mask belleýär.
2023-nji ýylda Ýaponiýada çaga dogluşy rekord derejede 5,1 göterim azaldy, ýagny 758,6 müň çaga doguldy.
Ýaponiýanyň Umumymilli işler we kommunikasiýa ministrliginiň maglumatlaryna görä, häzir ýurduň ilatynyň umumy sanynda 11,4 göterimi 15 ýaşdan kiçilerdir, ilatyň 30 göterimden hem köpüsi 65 ýaşdan ýokary adamlardyr.
