Girmek
Russiýanyň Prezidenti Wladimir Putin 16-17-nji maýda Hytaýa döwlet sapary bilen barmakçy. Bu barada TASS habarlar gullugy Kremliň metbugat gullugyna salgylanyp habar berdi.
Bu Putiniň Prezident wezipesine gaýtadan saýlanandan soňra ilkinji daşary ýurt sapary bolar. Ol HHR-iň Başlygy Si Szinpiniň çakylygy boýunça Hytaýa barar.
Russiýanyň we Hytaýyň Liderleri ýurtlaryň arasynda diplomatik gatnaşyklaryň 75 ýyllygyny bellärler. Hyzmatdaşlyk we halkara meseleleriniň ara alnyp maslahatlaşylmagyna garaşylýar diýlip, habarda bellenýär. Sapar wagtynda döwlet Baştutanlary bilelikdäki sergileriň açylyşlaryna we forumlara gatnaşarlar, rus Lideri Harbiniň ýokary okuw mekdeplerinde okaýan talyplar bilen duşuşar.