7-9-njy maý aralygynda Malaýziýanyň paýtagty Kuala-Lumpurda ýerleşýän AFK-nyň Ştab-kwartirasynda Aziýa yklymynyň milli ýygyndylarynyň tälimçileri üçin üçünji halkara konferensiýa geçirildi. Ol «Aziýa Kubogy-2023 — milli ýygyndylaryň tälimçileriniň nukdaýnazarynda» ady bilen guraldy. Oňa Türkmenistanyň milli ýygyndysynyň tälimçisi Mergen Orazow hem gatnaşdy.
Üç günlük konferensiýanyň dowamynda milli ýygyndylaryň baş tälimçileri we tehniki direktorlary Katarda geçirilen Aziýa Kubogyny giňişleýin seljerdiler.
Konferensiýanyň dowamynda oňa gatnaşan türkmen hünärmenleri hem öňdebaryjy halkara tejribe bilen tanyşdylar hem-de birnäçe abraýly hünärmenler bilen pikir alyşmaga mümkinçilik aldylar.
