Girmek
Amerikaly režissýor, prodýuser we ssenariçi Martin Skorzese 74-nji Berlin halkara kinofestiwalynda kino sungatynda bitiren hyzmatlary üçin hormatly «Altyn aýy» baýragy bilen sylaglandy diýip, «MIR 24» ýazýar.
Dabarada 81 ýaşly režissýory hormatlap, 25 minutlap el çarpdylar. Şol pursatlarda sahnada onuň filmlerinden parçalar görkezildi. Germaniýaly režissýor Wim Wenders çykyşynda Skorzesäni «tomaşaçylara täsin kino syýahatyny peşgeş beren brend» diýip atlandyrdy. Bu barada «Hollywood Reporter» ýazýar.
Martin Skorzesäniň iň belli işleriniň arasynda «Nýu-Ýork, Nýu-Ýork», «Guduz öküz», «Nýu-Ýorkuň toparlary», «Awiator», «Nälet siňenleriň adasy», «Uoll-stritli möjek» ýaly filmler bar.