Türkmenistanyň zenanlar futzal ýygyndysy Täjigistanda geçirilýän Merkezi Aziýanyň Futbol Assosiasiýasynyň zenanlaryň arasyndaky futzal çempionatynda ilkinji ýeňşini gazandy. Ýaryşyň üçünji tapgyrynda türkmen futzalçylary Täjigistandan 4:1 hasabynda üstün çykdylar.
Tapgyryň beýleki oýnunda Eýran Gyrgyzystany 11:0 hasabynda ýeňlişe sezewar etdi. Turnir aýlaw görnüşinde geçirilip, onuň ýeňijisi toplanan utuklaryň sany boýunça kesgitleniler.
