Aşgabatda şu ýylyň ilkinji gary ýagyp başlady. Ýagyş gatyşykly ýagýan gar şäheriň ýaşaýjylaryna täze ýylyň ilkinji aklygyny bagyşlady.
Elbetde, ýagynyň ýakyn wagtda ýagyşa öwrülmek ähtimallygy bar, ýöne bu gijäniň minus temperaturasy (-2... - 3 dereje) garyň ýene ýagjakdygyna we irden arassa ýanwar garyny görüp biljekdigimize umyt döredýär.
Ozal habar berşimiz ýaly, hepdäniň ortalarynda gar ýagyp başlady. Ertir howanyň temperaturasy gündiz 0 bilen +5 derejede, gije -1... - 2 derejede bolar. Günüň dowamynda ýagyşyň we garyň ýagmagyna garaşylýar.
Hepdäniň ahyryna çenli howanyň temperaturasy gündiz +5 ... + 8 derejede, gije +1... + 4 derejede bolar.
