Girmek
Amerikan işewüri Ilon Maskyň kakasy Errol Mask ogly barada çap edilen terjimehal-kitapda beýan edilenleriň galpdygyny, sahna eseri üçin çeşmedigini aýtdy diýip, «Daily Mail» neşirine salgylanýan «M24.ru» habar berýär.
Ol oglunyň durmuşda ýetený derejesi we baýlygy üçin özüne minnetdar bolmalydygyny nygtap: «Ol bu günki ýeten derejesi üçin maňa minnetdar bolmalydyr. Men elimden gelenini etdim. Bu kitapda beýan edilenleriň bary galp, bu sahna eseri üçin çeşme. Men awtora elektron hat ýollap, nägileligimi bildirdim» diýip, gürrüň berdi.
Ilon Maskyň ýazyjy Uolter Aýzenson bilen bilelikde ýazan terjimehal kitaby 12-nji sentýabrda satuwa çykdy.