Tokaý ýangynlary ABŞ-nyň Luiziana ştatyny basdy. Ýangyn eýýäm ştatyň ilatly ýerlerine ýakyn geldi. Ýerli ýaşaýjylar gyssagly öýlerini terk etmäge mejbur bolýarlar diýip, «MIR 24» ýazýar.
Halas edijilere oduň çalt ýaýramagynyň öňüni almak başartmaýar, muňa howa päsgel berýär. Ştatda synlamalaryň taryhynda iň yssy tomusdyr guraklyk höküm sürýär. Diňe geçen awgustda bu ýerde 550-den gowrak ýangyn hasaba alyndy.
