Girmek
Türkmenistan şu ýylyň ýanwar — awgust aýlarynda Özbegistana dynç almaga baran raýatlarynyň sany boýunça öňdäki onlukdan ýer aldy. Bu barada Özbegistanyň Prezidentiniň ýanyndaky Statistika agentligi habar berýär.
Çeşmede bellenilişine görä, 2023-nji ýylyň sekiz aýynyň dowamynda 17,8 müň sany türkmenistanly dynç almak maksady bilen goňşy ýurtda bolupdyr. Şeýlelikde, Türkmenistan bu ugurda altynjy orna ornaşypdyr.
2023-nji ýylyň ýanwar — awgust aýlaryna Özbegistana dynç almaga baran raýatlarynyň sany boýunça Russiýa Federasiýasy (155,5 müň), Gazagystan (39,6 müň), Täjigistan (25,1 müň), Türkiýe (22,8 müň) hem-de Gyrgyz Respublikasy (21,6 müň) ilkinji bäşlige giripdir.
Hasabat döwründe Özbegistana dynç almak maksady bilen baran daşary ýurt raýatlarynyň umumy sany 466,9 müňe deň bolup, şonuň 3,8 göterimi Türkmenistanyň paýyna düşýär.