Girmek
Ozal habar berşimiz ýaly, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Täjigistan Respublikasynyň Prezidenti Emomali Rahmonyň çakylygy boýunça iş sapary bilen Täjigistana bardy.
Saparyň çäklerinde Türkmenistanyň Halk Maslahatynyň Başlygy Gurbanguly Berdimuhamedow «Merkezi Aziýa döwletleriniň Baştutanlarynyň Hormat nyşany» bilen sylaglanyldy. Sylagy gowşurmak dabarasy «Kasri Millat» köşgünde geçirildi.
Gahryman Arkadag bu ýerde eden çykyşynda pursatdan peýdalanyp, ähli ýygnananlary Prezident Serdar Berdimuhamedowyň adyndan 2024-nji ýylda belleniljek akyldar şahyr Magtymguly Pyragynyň ýubileý baýramy mynasybetli geçirilmegi meýilleşdirilýän dabaralara çagyrdy we bu dabaralaryň ýokary halkara derejede geçiriljekdigine ynam bildirdi. Bu barada «Türkmenistan» gazetinde habar berildi.