Girmek
30-njy awgustda 18-nji tapgyryň wagty süýşürilen duşuşygy geçirilip, onda «Altyn asyr» topary Mary şäheriniň «Energetigini» kabul etdi.
Bu duşuşykda döreden mümkinçiliklerini ýerlikli peýdalanan Ýazguly Hojageldiýewiň tälim berýän paýtagtymyzyň topary garşydaşynyň derwezesinden jogapsyz toplaryň üçüsini geçirmegi başardy.
Şeýlelikde, geçirilen oýunlardan soň 32 utuk toplan «Altyn asyr» ýaryş tertibinde ikinji orny eýelemegini dowam edýär. 12 utugy bolan “Energetik” topary ýaryş tertibinde 7-nji orny eýeleýär.
18-nji tapgyryň wagty süýşürilen duşuşygy:
«Altyn asyr» – «Energetik» – 3:0
Gollar: 16 Wahyt Orazsähedow, 19 Zafar Babajanow, 21 Röwşen Halmämmedow.