Girmek
Türkmen işläp düzüjiler tarapyndan döredilen «Ýönekeý» söwda platformasy Türkmenistanyň we beýleki ýurtlaryň ýaşaýjylaryna Hytaýdan dürli harytlary onlaýn sargyt etmäge mümkinçilik berýär.
«Ýönekeýiň» saýtynda we ykjam programmasynda ähli möwsümler üçin niýetlenen erkek, zenan hem-de çaga eşiklerini we aýakgap, hojalyk harytlaryny, öý goşlaryny, gap-gaçlary we aşhana enjamlaryny, çagalar üçin oýunjaklary, sport enjamlaryny, saz gurallaryny, kanselýariýa harytlaryny, bezeg we kosmetika önümlerini, hojalyk himiýa serişdeleri, awtoulag önümlerini we beýlekileri sargyt etmek mümkindir.
Önümi saýlamak we sargyt etmek üçin saýtda ýa-da programmada hasaba alynmak talap edilmeýär – nusgany saýlamak, göwrümini görkezmek, önümi «sebede» goşmak hem-de doly adyňyzy, poçta we elektron salgyňyzy, telefon belgiňizi we beýleki aragatnaşyk maglumatlaryňyzy görkezmek bilen, degişli maglumat meýdançasyny doldurmak ýeterlikdir.
Harytlar üçin töleg Türkmenistanyň milli walýutasynda bank kartlary arkaly onlaýn ýa-da nagt görnüşinde amala aşyrylýar.
«Ýönekeýiň» wekiliniň belleýşi ýaly, söwda platformasynda ýüzlerçe haryt amatly bahalardan hödürlenýär.
Mundan başga-da, «Ýönekeý» söwda platformasynda Belarusyň, Dubaýyň we Russiýanyň ýaşaýjylary söwda edip bilerler.
«Ýönekeý» ykjam programmasyny «Google Play» we «App Store-da» ýükläp almak üçin elýeterlidir.