Girmek
Arheologlar Peruda iň gadymy tans meýdançasyny tapdylar, onuň üstünde her ädim deprek gümmürdisine meňzeş ses çykarýar diýip, «MIR 24» ýazýar.
Meýdança häzirki Lima şäherinden 200 kilometrlikde açyk asmanyň astynda ýerleşýär. Ol biziň eýýamymyzdan öňki 1000-1400-nji ýyllarda gurlupdyr diýip çaklaýarlar, ony inkler döwründe-de (1400-1532 ýý), ispanlar ýurdy eýelänlerinden soň hem ulanypdyrlar.
Alymlar giňişligiň özboluşly tans meýdançasy bolandygyny çaklaýarlar, ol ýerde däp-dessur çärelerini gurapdyrlar.
Argentinadaky Buenos-Aýres uniwersitetiniň Medeniýet institutynyň arheology Kewin Leýniň sözlerine görä, meýdanda ýyldyrymyň we gök gümmürdisiniň hudaýynyň hormatyna däpler berjaý edilipdir. Şunda aýak sesleri tebigy hadysalaryň gümmürdisini çykarypdyr, gadymy gurluşykçylar munuň üçin ýörite tehnologiýadan peýdalanypdyrlar.
Meýdançada däp tanslaryny ýerine ýetirýän birbada 26 adam ýerleşip bilipdir diýip, «Arkeonews» habar berýär.